شعر شعبي حزين 2012 يبكي الصخر يـآبه أكعد ابداعت امكَـ امحلفك بهاي البراءة يـآبه ناجح جيت ابشركـ عشرة ماخذ بالقراءة يـآبه بالمدرسة كالو..!؟ ... ... ... ... اجتماع الأبـآء ايصير باجر ومن اجو سألوني أبوك شو مـآ أجـه؟ ماكلت متوفي أبويـه ! كلت لا يعرفنـي شاطر يـآبه من جتي النتيجة ماخفت ارسب او انجح لا وحك رب العبــــــادة يـآبه أول ما أجة أبالي انتَ ميت .. شلون تقره الشهادة؟ يـآبه شحجيلكـ عليه من يمر العيد بيه يـآبه كلهه اتعيد بأحلى الملابس يـآبه بس آنه واخوتي نلبس اهدوم المدارس يـآبه شيب راسي بعدكـ ابثكل كبركَـ ثكل همي عكب مابعيونك احلف هسه اكول وروح أبويـه الغـآلي...! يمــة انكسر ظهري وحيلي تعبان وحــر الصـــيف موتهه البـــراءة .. باجر امتحــاني وحاير اهــواي ابيـــعن غــاز لو اقــرة القــراءة..؟ ____________________________ مافهمت النـــــاس ياما بعت ظنــــي بابتسامه الوفا الغالــــــــي توفى والألم حقــــــق مرامه قلت يالمجـروح (قلبي) كل خـــــــاين له ندامه قال لي ( ياليت ربـــــي حط للطيب علامـــــة) لا تلــــــومو اللي تغير إنتهى وقت المــــلامة هي خفــــــاياه وتجلت وانحنت للغـــدر هامه مافهــــمت الناس لكن فاهم اخلاصي ومقامه باصحب الأيام وامشي واسأل الله الســــلامة ___________________________ اكو برمضان حكمة توجب الصوم يحس بالجوع حتة الجان شبعان زين ابن الفقير احساسة شيصير ؟ اذا هوة قبل رمضان جوعان ___________________________ شتفيد التعازي ها يمسؤؤل عود يصير عدكم هسة الاحساس ماتحجون كبل الانفجارات وتظهرون الحقيقة وتعرف الناس بعد شتفيد تعزيتك يبو الطيب شعدك جاي طاح الفاس بالراس ماحسبنة هيج يصير مرتين دوانيتنة كلنة شلون تنجاس وحك حيدر علي الكرار تدرون وكلكم تعرفون الصار والساس لو مثل ابوفاظل عدنة ماصار بس منين كلي انجيب عباس _________________________ اكو شامخ جبل وافعاله ويه الكاع واكو بالكاع وافعاله جبيــرة اكو صايم يصلي بس حقد مليان ... واكو يشرب خمر مليان غيرة ... ... ... ... اكو زنكًين لكن ميّت احساس واكو مفلس ولكن حيّ ضميرة اكو صاحب قصر لكن ولا مرتاح واكو مرتاح كلّش عالحصيرة اكو ديوان لكن ماوسع ضيف واكو خيمه ولكن تحوي ديرة _____________________________ ست والله ست اسف ماقريت وكل دمعة حزن اتطيح من عيني ابوية بعبوه طكت انتهى ومات وكتل امي القهر ياهو اليقريني _____________________________ انا بيتي الرصيف وطاكني الجوع شكتب عالرصيف الدااااار للبيع